Íslenska kvennalandsliðið mistókst að komast beint í lokakeppni HM í fyrsta sinn eftir leik við Holland í lokaleik riðlakeppninnar í kvöld.
Ísland þurfti sigur eða jafntefli í leik kvöldsins til að tryggja sætið og stefndi allt í að leik kvöldsins myndi ljúka með markalausu jafntefli.
Hollandi tókst hins vegar að skora á 93. mínútu í uppbótartíma til að tryggja sér sigurinn og efsta sætið.
Sara Björk Gunnarsdóttir, landsliðsfyrirliði, var mjög súr á svip í viðtali við RÚV eftir leikinn.
,,Þetta var bara ömurlegt. Þetta var ekkert einbeitingarleysi, við vorum einbeittar í 90 mínútur og þetta fór bara inn,“ sagði Sara við RÚV.
,,Mér fannst við ekki nógu góðar varnarlega í fyrri hálfleik, við vorum langt frá þeim og náðum ekki að klukka þær.“
,,Í seinni hálfleik gerðum við betur, við héldum út allan seinni hálfleik nema síðustu sekúndurnar.“