Í Nice í Frakklandi eru menn ekki sáttir með Kasper Schmeichel sem kom til félagsins í sumar. Telja aðilar í kringum liðið að sá danski sé hreinlega of feitur.

Schmeichel gekk í raðir Nice í sumar frá Leicester í Frakklandi en félagaskiptin komu nokkuð á óvart. Schmeichel var í ellefu ár hjá Leicester þar sem hann varð Englandsmeistari árið 2016.

RMC Sport í Frakklandi segir að fituprósenta Schmeichel hafi verið alltof há að mati franska félagsins þegar hann skrifaði undir.

Schmeichel og hans teymi ræddi svo við eiganda félagsins Jim Ratcliffe þegar kom að því að fá sæti í byrjunarliðinu í fyrsta leik. Þetta pirraði Lucien Favre sem Nice skoðar nú að reka úr starfi þjálfarans.

Favre hlustaði ekki á þessi ráð frá Ratcliffe og Schmeichel og notaði Marcin Bulka í fyrsta leik tímabilsins.

Schmeichel hefur byrjað síðustu leiki en samherjar hans eru sagðir pirraðir á honum. Hann mætir seint á fundi og virðist telja að hann þurfi ekki að fara eftir sömu reglum og aðrir.