Hallur Hansson miðjumaður KR spilar ekki fótbolta næsta árið eða svo. Frá þessu er greint á heimasíðu knattspyrnusambands Færeyja.
Hallur átti að vera með í landsliðsverkefni en meiddist á laugardag í 2-2 jafntefli KR og Víkings í Bestu Deidlinni.
Hallur var borinn af velli í leiknum en hann er samningsbundinn KR út næstu leiktíð.
Hallur er þrítugur miðjumaður sem kom til KR fyrir tímabilið og voru miklar væntingar gerðar til hans. Hann eins og margir aðrir í liði KR hafa ekki fundið takt sinn á tímabilinu.
Á heimsíðu Færeyinga segir að Hallur verði frá í 9-12 mánuði en líklega er um að ræða slitið krossband.
