Martin Braithwaite og Samuel Umtiti eiga enga framtíð fyrir sér hjá Barcelona en þetta hefur forseti félagsins staðfest.
Joan Laporta, forseti Börsunga, greindi frá þessu í gær en báðir leikmennirnir telja sig eiga inni laun hjá félaginu.
Laporta staðfestir það að þeir verði nú að kveðja Börsunga og fara annað en hvort það gangi upp verður að koma í ljós.
Margir leikmenn mega yfirgefa Barcelona en eru hikandi því félagið skuldar þeim laun vegna fjárhagsvandræða.
,,Umtiti og Braithwaite? Þeir skilja nú báðir að það sé kominn tími til að finna sér nýtt félag,“ sagði Laporta.
,,Við munum fá inn einn leikmann til viðbótar og samkomulagið er í höfn,“ bætti Laporta við og átti við Marcos Alonso frá Chelsea.
