Pep Guardiola, stjóri Manchester City, hefur gefið í skyn að Bernardo Silva gæti yfirgefið félagið í sumar.
Bernardo hefur verið mikið orðaður við Barcelona í glugganum en spænska félagið hefur enn ekki komið með nógu gott tilboð.
Guardiola viðurkennir að hann viti ekki hvað Bernardo muni gera í sumar og lofar því ekki að hann verði áfram.
,,Ég myndi elska það ef Bernardo heldur áfram hérna, hann er einstakur leikmaður fyrir okkur í klefanum en ég veit ekki hvað mun gerast,“ sagði Guardiola.
,,Ef hann verður áfram þá er það fullkomið en ef hann þarf að fara þá er það því félögin hafa náð samkomulagi. Ef leikmaðurinn er með sína ósk þá mun ég ekki standa í vegi fyrir henni.“
,,Þegar þú ert fótboltamaður þá er lífið mjög stutt, þú áttar þig ekki á því strax og svo er ferðin búin.“