Robert Lewandowski framherji Barcelona var rændur fyrir utan æfingasvæði félagsins í vikunni þegar hann var á leið til æfinga.

Lewandowski stöðvaði þá bifreið sína til að taka myndir með stuðningsmönnum en hann sér eflaust eftir það.

Einn aðili opnaði dyrnar á bíl Lewandowski og stal þar rándýru úri sem var í framsætinu. UM var að ræða úr sem kostar 10 milljónir króna.

Lewandowski reyndi að elta þjófinn en náði honum ekki, lögreglan fór þá af stað og fann þjófinn sem hafði grafið úr í jörðu í hverfinu.

Barcelona ætlar að herða gæslu í kringum svæðið og verður þetta líklega til þess að leikmenn hætta að stoppa og ræða við stuðningsmenn.