Sjúkrabíll var kallaður til á Hlíðarenda í gærkvöldi er Haukar og Njarðvík mættust í 2. deild karla.

Leikið var á Origo-vellinum á Hlíðarenda, þar sem verið er að skipta um gervigras á Ásvöllum, heimavelli Hauka í Hafnarfirði.

Kenneth Hogg meiddist illa í leiknum og var það þess vegna sem sjúkrabíll var kallaður til. Bjarni Jóhannsson, þjálfari Njarðvíkur, sagði í viðtali við Fótbolta.net að hann teldi ólíklegt að Hogg spilaði fleiri leiki með Njarðvík í sumar. Hnéskel leikmannsins hafi farið úr lið.

Lið Njarðvíkur er svo gott sem komið upp í Lengjudeildina. Liðið er á toppi 2. deildar, ellefu stigum á eftir Völsungi, sem er í þriðja sæti. Efstu tvö liðin fara upp. Fimm umferðir eru eftir.

Haukar eru í fimmta sæti með 24 stig.