Justin Kluivert hefur samið um persónuleg kaup og kjör við nýliða Fulham í ensku úrvalsdeildinni.
Roma, félag leikmannsins, og Fulham þurfa nú að ná saman um kaupverð á leikmanninum, áður en hann kemur endanlega til Englands.
Kluivert hefur verið á mála hjá Roma síðan 2018. Hann hefur þó verið úti á láni síðustu tvö tímabil. Á þarsíðustu leiktíð var hann hjá RB Leipzig og á þeirri síðustu var hann hjá Nice.
Justin Kluivert er sonur goðsagnarinnar Patrick Kluivert, sem gerði garðinn frægan með Barcelona og fleiri liðum.
Fulham hefur byrjað tímabilið í deildinni nokkuð vel. Liðið gerði jafntefli við Liverpool í fyrsta leik, 2-2. Í síðasta leik gerði Fulham svo markalust jafntefli við Wolves.
Justin Kluivert has agreed personal terms with Fulham and his priority is to join the English club as soon as possible. Negotiations ongoing with AS Roma. 🚨⚪️ #FulhamFC
The two clubs will try to find full agreement, new round of talks scheduled today. pic.twitter.com/LsC8tcTc4g
— Fabrizio Romano (@FabrizioRomano) August 18, 2022
