Timo Werner hefur útskýrt af hverju hann ákvað að yfirgefa Chelsea í sumar og ganga aftur í raðir RB Leipzig.

Wrner stóðst ekki væntingar á Stamford Bridge og skoraði alls 23 mörk í 89 leikjum fyrir liðið sem sóknarmaður.

Werner segir að hann hafi ekki skemmt sér hjá félaginu seinni hluta dvalarinnar og segir að leikstíll þjálfarans Thomas Tuchel hafi ekki hentað sér.

,Fyrst og fremst snýst þetta um að spila fótbolta,“ sagði Werner í samtali við hlaðvarpsþáttinn Einfach mal Luppen.

,,Auðvitað náði ég flottum árangri hjá Chelsea en að lokum var skemmtunin farin því ég spilaði ekki eins mikið.“

,,Ég tel að leikstíll þjálfarans hafi ekki hentað mér fullkomlega. Það var augljóst fyrir mig að ég þyrfti að taka nýtt skref.“