Jose Mourinho kom í veg fyrir það í sumar að Nicola Zaniolo myndi ganga í raðir Tottenham á Englandi.
Frá þessu greinir Corriere dello Sport en Tottenham hafði og hefur enn mikinn áhuga á Zaniolo.
Tottenham og Roma voru búin að komast að samkomulagi um kaupverð áður en Portúgalinn blandaði sér í málið.
Tottenham var tilbúið að láta Roma fá miðjumanninn Tanguy Ndombele plús ákveðna upphæð í skiptum fyrir Zaniolo.
Það voru skiptii sem Mourinho hafði engan áhuga á og ákvað hann sjálfur að þau myndu ekki ganga í gegn.
Mourinho þekkir vel til Ndombele og Tottenham en hann er fyrrum stjóri liðsins og var þar áður en hann tók við Roma.