Harvey Elliott hefur skrifað undir nýjan og betri samning við Liverpool sem gildir til ársins 2027. Er þetta í annað sinn á einu ári sem Liverpool verðlaunar Harvey.
Harvey byrjaði vel á síðustu leiktíð en meiddist svo nokkuð alvarlega. Búist er við að hann verði í stóru hlutverki í ár.
Harvey er 19 ára gamall framsækinn miðjumaður. „Þetta hefur verið rússíbani fyrir mig og fjölskyldu mína. Það hefur mikið gerst á þessu ár,“ segir Harvey litli Elliott.
„Vonandi getum við haldið áfram á sigurbraut, ég hef alltaf haldið með Liverpool og það er ekki til betri staður fyrir mig.“
„Ég vona að við getum haldið áfram að skapa minningar, ég er spenntur fyrir því að hafa framlengt samning minn.“