Síðasta haust ákvað stjórn Keflavíkur að láta Eystein Húna Hauksson fara sem einn af þjálfurum karlaliðs Keflavíkur. Eftir stóð Sigurður Ragnar Eyjólfsson, sem tók einn við liðinu eftir tveggja ára samning við Eysteini.

Í vor var Sigurður Ragnar í viðtali við sjónvarpsþáttinn 433.is, þar sem hann ræddi ákvörðun Keflavíkur.

„Við tókum góðan fund eftir mót, ég og Eysteinn með stjórn Keflavíkur og fórum yfir þau mál. Fyrir mitt leyti var ég ekki tilbúinn í áframhaldandi samstarf. Ég bauðst til þess að hætta, bæði sem þjálfari Keflavíkur sem og yfirmaður knattspyrnumála og hefði í raun og veru sætt mig við hvaða ákvörðun sem stjórnin hefði tekið. Hvort sem það var að ráða Eystein áfram eða hvað. Eina sem mér fannst ekki koma til greina var að við yrðum báðir áfram. Ég hef ekkert út á Eystein á að setja, honum var boðin staða í félaginu sem hann hugsaði lengi um,“ sagði Sigurður Ragnar á þeim tíma.

Hann er í viðtali við Fréttablaðið í dag, þar sem hann horfir meðal annars til baka á viðskilnaðinn við Eystein og gengið í kjölfarið.

„Við erum komnir með jafn­mörg stig og við fengum allt mótið í fyrra, erum að skora fleiri mörk og marka­talan betri. Mannskapurinn er líka betri en í fyrra og liðið reyndara,“ segir Sigurður Ragnar.

Hann sagði tímabilið í fyrra, þar sem Eysteinn Húni var enn við stjórnvölinn, hafa verið mikilvægt.

„Árið í fyrra var mikil­vægt fyrir okkar leik­menn til að fá reynslu í Bestu deildinni. Það er tekið eitt skref í einu og það hefði ekkert verið hægt að sleppa þessu þrepi sem við tókum í fyrra. Núna erum við svo bara á næsta þrepi. Mark­miðið er að halda á­fram og byggja ofan á það. Aðrir verða að dæma um það hvort þetta hafi verið góð ákvörðun eða ekki, að fela mér að vera með liðið,“ segir Sigurður Ragnar.

Nánar er rætt við hann í Fréttablaðinu.