Southampton er búið að fá efnilegan leikmann í sínar raðir en hann ber nafnið Romeo Lavia.
Um er að ræða 18 ára gamlan miðjumann sem gerir fimm ára samning á St. Mary’s.
Lavia er talinn mikið efni en hann hefur undanfarin tvö ár leikið með Manchester City og spilað tvo leiki.
Lavia fékk aldrei tækifæri með Man City í deild en mun væntanlega koma eitthvað við sögu hjá Southampton í vetur.
Varnarsinnaði miðjumaðurinn hefur leikið fyrir U15, U16, U19 og U21 árs landslið Belga.
