N1 mótið í knattspyrnu hefur síðustu daga farið fram á Akureyri. Mótið er einn af hápunktum sumarsins ár hvert hjá ungum knattspyrnuköppum og þar eru allajafna sýnd frábær tilþrif. Tilþrifin virðast hins vegar ekki verið mikil á hliðarlínunni í hópi sumra foreldra sem fylgja börnum sínum á mótið eins og hefur verið varpað ljósi á.
Á samfélagsmiðlinum Twitter hafa birst dæmi um framkomu foreldra á mótinu sem margir hverjir virðast hafa misst algjört stjórn á skapi sínu í hita leiksins og sýnt af sér hegðun sem á ekkert skilt við knattspyrnu. Fjóla Guðjóns varð til að mynda vitni af þessum ummælum föðurs eins leikmanns á N1 mótinu:
,,Við erum ekki að fara raka af okkur bringuhárin og spila eins og stelpur,“ segir Fjóla að einn faðirinn hafi sagt.
“Við erum ekki að fara að raka af okkur bringuhárin og spila eins og stelpur” – pabbi á N1 mótinu 2022 🤯😢
— Fjola (@fjolagudjons) June 30, 2022
Þá setti Akureyringurinn Birkir Örn Pétursson einnig fram dæmisögu af mótinu á Twitter: ,,Til móðurinnar sem kallaði ‘‘tussa“ á einu stúlkuna sem spilaði í drengjaliði hjá KA á N1 mótinu. Ekki fylgja barninu þínu á fleiri mót og leitaðu þér aðstoðar.
Til móðurinnar sem kallaði “Tussa” á einu stúlkuna sem spilaði í drengja liði hjá KA á N1 mótinu. Ekki fylgja barninu þínu á fleiri mót og leitaðu þér aðstoðar.
— Birkir Örn Pétursson (@birkirp) July 1, 2022
Þetta er í 36. sinn sem N1 mótið á Akureyri er haldið og hefur það skipað sér í sess meðal eftirsóttustu íþróttaviðburða ár hvert í yngri flokka starfinu í knattspyrnu. Mótið hófst á miðvikudaginn síðastliðinn og því lýkur í dag. Alls taka 200 lið þátt á mótinu og um 2 þúsund ungar knattspyrnukempur spreita sig.
Styrmir Sigurðsson, spyr í færslu á Twitter hvenær eigi að setja bann á foreldra við að mæta á mót líkt og N1 mótið. ,,Hvenær ætlum við hreinlega að banna foreldra á þessum mótum og leyfa þjálfurunum og krökkunum að njóta sín? Foreldrar drengja í Þrótt neituðu semsagt að spila leikinn við FH því þeim fannst FH vera svo miklir tuddar þegar liðin mættust í riðlinum.“
Hvenær ætlum við hreinlega að banna foreldra á þessum mótum og leyfa þjálfurunum og krökkunum að njóta sín? Foreldrar drengja í Þrótt neituðu semsagt að spila leikinn við FH þvi þeim fannst FH vera svo miklir tuddar þegar liðin mættust í riðlinum #lifi https://t.co/iQFJeoYk66
— Styrmir Sigurðsson (@StySig) July 2, 2022
Þórður Einarsson, yfirþjálfari hjá Þrótti Reykjavík svarar færslu Styrmis og segir foreldra ekki hafa tekið ákvörðunina hjá Þrótti. ,,En styðja ákvörðunina. Það er jafnframt engin aðtala um ‘‘tuddara.“ Foreldrar Þróttar til fyrirmyndar. Ég hef mætt á þrettán N1 mót. Aldrei séð annað eins. Aga- og stjórnleysið algert.“
Þó má ætla að þrátt fyrir þessar miður skemmtilegu uppákomur hafi ungar knattspyrnukempur náð að láta ljós sitt skína á Akureyri undanfarna daga. Eitthvað sem vegur þyngra en hegðun nokkurra skemmdra epla.
