Richarlison er genginn til liðs við Tottenham frá Everton. Fyrrnefnda félagið staðfestir þetta.
Talið er að Tottenham greiði um 60 milljónir punda fyrir leikmanninn, 50 milljónir núna og tíu síðar.
Brasilíumaðurinn hefur átt góð ár hjá Everton en áður lék hann með Watford. Everton þurfti að selja til að rétta við mikinn taprekstur undanfarið.
Richarlison er 25 ára gamall en hann hefur leikið 36 A-landsleiki fyrir Brasilíu.
Hann skoraði tíu mörk á síðustu leiktíð í ensku úrvalsdeildinni.
Richarlison er sá fjórði sem gengur til liðs við Tottenham í sumar á eftir Fraser Forster, Ivan Perisic og Yves Bissouma.
It's official 🔥 #WelcomeRicharlison pic.twitter.com/pC6IOv2kLp
— Tottenham Hotspur (@SpursOfficial) July 1, 2022