Það er loksins búið að selja enska félagið Derby County sem leikur í þriðju efstu deild Englands.

Derby fór í greiðslustöðvun á síðustu leiktíð og var dregið heilt 21 stig af liðinu í Championship-deildinni.

Það varð til þess að félagið féll niður í C-deildina en Wayne Rooney var síðast stjóri liðsins og reyndi hvað hann gat í erfiðri stöðu.

Rooney náði fínasta árangri með Derby en sagði starfi sínu lausu nýlega vegna vandræða á bakvið tjöldin.

Það er viðskiptamaðurinn David Clowes sem festi kaup á Derby en hann hefur stutt félagið alla sína ævi.

Margir leikmenn hafa yfirgefið herbúðir félagsins og var lengi vel ekki hægt að styrkja leikmannahópinn vegna skulda.

Enski boltinn á 433 er í boði