Samband Burnley og Manchester City hefur án efa styrkst töluvert eftir að Vincent Kompany tók við sem stjóri fyrrnefnda liðsins. Belginn er goðsögn í bláa hluta Manchester.
Nú hefur Burnley krækt í CJ Egan-Riley frá City. Hann er 19 ára gamall miðvörður.
Egan-Riley er yngri landsliðsmaður Englands og hefur spilað þrjá leiki fyrir aðallið Man City.
Burnley féll úr ensku úrvalsdeildinni á síðustu leiktíð. Liðið barðist við Leeds fram í lokaumferð en síðarnefnda liðið hafði að lokum betur. Burnley leikur því í B-deildinni á komandi leiktíð.
Jóhann Berg Guðmundsson er á mála hjá Burnley. Hann á ár eftir af samningi sínum við félagið.
CJ Egan-Riley has completed a permanent transfer to Burnley following the expiration of his contract with Manchester City.
Everyone at the Club wishes him the very best of luck for the remainder of his career 💙
— Manchester City (@ManCity) July 1, 2022
