Calciomercato greinir frá því í dag að Dani Alves hafi reynt að fá samning hjá ítalska félaginu Spezia.
Alves er einn besti bakvörður í sögu spænska boltans en hann var lengi hjá Barcelona og spilaði einnig með Paris Saint-Germain.
Alves skrifaði undir stuttan samning hjá Barcelona í júní og kláraði tímabilið með liðinu en var svo látinn fara.
Þessi 39 ára gamli leikmaður á að hafa boðið Spezia þjónustu sína en ítalska félagið hafnaði því boði.
Spezia telur að það sé enginn gróði í því að semja við svo gamlan leikmann sem yrði á meðal launahæstu leikmanna liðsins.
Þrátt fyrir aldurinn er Alves ekki að íhuga að hætta og gæti leitað til heimalandsins, Brasilíu.