Roberto Firmino mun líklega fara sömu leið og Sadio Mane og kveðja Liverpool á næstunni samkvæmt Stewart Downing, fyrrum leikmanns liðsins.

Firmino var lengi vel mjög mikilvægur hlekkur í sóknarlínu Liverpool sem hefur síðan þá samið við Diogo Jota, Luis Diaz og nú síðast Darwin Nunez frá Porto.

Mane er búinn að skrifa undir samning við Bayern og styttist í það að Firmino fari sömu leið miðað við orð Downing.

,,Undir lok síðasta tímabils þá spilaði Roberto ekki mikið, ekki eins mikið og hann hefði viljað. Hann var lykilmaður um tíma og spilaði næstum alla leiki,“ sagði Downing.

,,Svona virkar fótboltinn. Diogo Jota kom inn og kom öllum á óvart. Ég vissi að hann væri góður leikmaður en hann er með mörk í sér og byrjaði frábærlega.“

,,Svo ertu með Sadio Mane, Mo Salah og Luis Diaz sem voru allir á undan Firmio. Þú þarft að vera í þínu besta standi til að spila fyrir Liverpool.“

,,Ég vona að Darwin Nunez byrji vel og ég sé Firmino vera varmann fyrir hann. Ef þeir fá hann til að komast í sitt gamla form þá er það önnur vídd fyrir Liverpool.“

,,Þetta verður örugglega síðasta ár Firmino, hann gæti sætt sig við þetta þar til í janúar.“

Enski boltinn á 433 er í boði