Danny Drinkwater kvaddi Chelsea í dag eftir fimm ára dvöl en samningur hans hjá félaginu rennur út í sumar.
Antonio Conte, núverandi knattspyrnustjóri Tottenham, fékk Drinkwater til Chelsea frá Leicester á sínum tíma og kostaði leikmaðurinn þá 35 milljónir punda.
Hann lék 22 leiki fyrir liðið í öllum keppnum tímabilið 2017-18 og var hluti af liðinu sem vann enska bikarinn sama ár. Hann var lánaður til Burnley, Aston Villa, Reading og til tyrkneska liðsins Kasımpaşa í kjölfarið en síðasti leikur hans fyrir Chelsea kom gegn Man City í enska góðagerðaskildinum árið 2018.
Drinkwater segir vandamál sín, innan sem utan vallar, ástæðuna fyrir því að lítið gekk hjá Chelsea en kennir einnig slæmri meðferð félagsins um. Drinkwater var handtekinn í apríl 2019 fyrir að keyra undir áhrifum og varð fyrir líkamsáras fyrir utan bar seinna sama ár.
View this post on Instagram
