Viðar Örn Kjartansson, leikmaður Valerenga, hefur brugðist við norska sparkspekingsins Christian Gauseth í norskum fjölmiðlum og hvetur hann til þess að fara sinna vinnu sinni betur. Gaurseth sakaði Viðar um neikvæða líkamstjáningu innan vallar, sagði Íslendinginn vera lítinn liðsmann og að hann væri veikur í pressunni.
Gauseth, sem er fyrrum leikmaður Mjöndalen, lét orðin falla fyrir leik Valerenga og Strömsgodset í norsku úrvalsdeildinni á dögunum, Viðar Örn skoraði í leiknum sem Valerenga tapaði 2-3.
,,Ég skora ekki aðeins mörk, ég tel að þjálfarinn sé ánægður með vinnuframlag mitt og að það sé hans mat að ég geri aðra leikmenn í kringum mig betri. Ég á líka mína slæmu daga innan vallar eins og allir aðrir en að segja að ég hafi verið þannig yfir heilt tímabil er bara þvæla. Hann verður að vinna heimavinnuna sína betur,“ sagði Viðar Örn er hann var spurður út í gagnrýni Gauseth eftir leik.
Gauseth neitaði hins vegar að draga ummæli sín um Viðar Örn til baka.
,,Ég get alveg fullvisað Viðar Örn um að ef það er einhver sem fylgist með öllum leikjum þá er það ég. Það er ekkert í norsku úrvalsdeildinni sem fer fram hjá mér. Þegar að ég set svona fram þá tel ég mig hafa ástæðu til þess…Það er sennilega ekkert að minni greiningu heldur frekar frammistöðu íslenska framherjans hjá Valerenga. Við búumst við miklu meira frá honum.“
Viðar Örn gekk til liðs við Valerenga frá Rostov í september árið 2020. Á tímabilinu hingað til hefur hann skorað fjögur mörk í átta leikjum og er á meðal markahæstu leikmanna deildarinnar.