Liverpool hefur staðfest að félagið hafi samið við Fabio Carvalho. Mun hann ganga til liðs við félagið þegar félagaskiptaglugginn opnar þann 1. júlí.
Carvalho er 19 ára gamall en hann var nálægt því að ganga í raðir Liverpool í janúar.
Samningur sóknarmannsins unga við Fulham var að renna út og þarf Liverpool aðeins að borga uppeldisbætur. Hann skrifar undir fimm ára samning.
Carvalho var lykilmaður í liði Fulham sem tryggði sig upp í ensku úrvalsdeildina á leiktíðinni sem er að ljúka. Hann skoraði tíu mörk og lagði upp önnur átta.
We can confirm Fabio Carvalho will join the club this summer.
The 19-year-old forward will officially complete a switch to the Reds on July 1 🙌
— Liverpool FC (@LFC) May 23, 2022