Benjamin Mendy hefur neitað sök í fjölda kynferðisbrotamálum fyrir rétti.

Mendy, sem er leikmaður Manchester City á Englandi, er sakaður um sjö nauðganir, eina tilraun til nauðgunar og að auki kynferðisbrot. Hann hafði setið í gæsluvarðhaldi í fimm mánuði en var sleppt lausum í desember.

Hann þurfti að skila inn vegabréfi sínu og gengur um með ökklaband, hann þarf að gefa sig fram við lögreglu á hverjum degi.

Mendy var handtekinn í ágúst á síðasta ári en hann hafði þá um nokkurt skeið gengið laus gegn tryggingu vegna ásakana um nauðganir. Manchester City hafði þagað um málið og spilað Mendy.

Hann var svo kærður á nýjan leik síðasta sumar þar sem fleiri konur saka hann um nauðgun. Þá var Mendy skellt í gæsluvarðhald en var sleppt úr haldi eftir 134 daga í gæsluvarðhaldi.

Á meðan Mendy hefur ekki fengið dóm þarf City að halda áfram að greiða franska landsliðsmanninum laun en hann þénar tugi milljóna í viku hverri.

Réttarhöld yfir Mendy hefjast þann 25. júlí.

Enski boltinn á 433 er í boði