Ralf Rangnick stígur sinn síðasta dans í starfi knattspyrnustjóra Manchester United en hann lætur af störfum á sunnudag.
United mætir Crystal Palace en Rangnick tók við í nóvember og hefur ekki tekist að snúa við slöku gengi liðsins.
Rangnick lætur af störfum eftir helgina og þá tekur Erik ten Hag við liði sem er í molum.
„Frá Atletico leiknum þá fundum við ekki taktinn okkar. Fyrir þá leiki þá vorum stöðugir varnarlega en við töpuðum sjálfstrausti og orku,“ segir Rangnick.
„Þetta snýst um sjálfstraust, liðsanda og samstöðu. Ég sé mest eftir því að hafa ekki náð liðsandanum upp. Ég trúi því að hér sé góður kjarni af leikmönnum sem eru í hæsta gæðaflokki, nógu góðir til að spila fyrir félagið.“
