Stuðningsmenn KR unnu skemmdarverk á Hlíðarenda eftir leik liðanna í Bestu deild karla á laugardag. Valur vann 2-1 sigur á erkifjendum sínum á Hlíðarenda á laugardagskvöld.
Mikil stemming var á vellinum, nokkrir óprúttnir aðilar ákváðu eftir leik að vinna skemmdarverk á merki Vals sem hékk uppi við útganginn.
Í andyrri á Hlíðarenda er veggur þar sem allir titlar Vals eru taldir upp, við miðju hangir merki Vals. Stuðningsmenn KR rifu það niður og köstuðu merkinu svo sín á milli.
Heimildarmaður 433.is úr röðum Vals segir allt uppátækið til á myndbandi en Valsarar vonast eftir því að málið leysist með því að KR borgi fyrir skemmdarverkið.
Stuðningsmenn KR tóku merkið með sér út í rútu en öryggisverðir og starfsmenn Vals tóku eftir þessu og eltu mennina þangað.
Þegar KR-ingar voru beðnir um að skila merkinu var því kastað úr úr rútunni og við það skemmdist merkið. Heimildarmaður 433.is segir skemmdina á merkinu ekki mikla en þó nokkra.
Valur vann eins og fyrr segir 2-1 sigur í hörkuleik þar sem hart var barist Jesper Juelsgaard skoraði sigurmarkið beint úr aukaspyrnu.