Það verður ekkert gefið eftir á Hlíðarenda í Bestu deildinni þegar KR heimsækir Val í grannaslag af bestu gerð um helgina. Leikurinn fer fram 19:15 á laugardagskvöld.

Valur er með fullt hús stiga eftir tvo leiki en KR-ingar sleikja enn sárin eftir naumt tap gegn Blikum í annari umferð.

„Miðað við hvernig þú lýsir þessu, þá er ekki hægt annað en að vera spenntur. Þetta eru alltaf stórir leikir, laugardagskvöld og góð spá. Tvö góð lið að mætast,“ segir Heimir Guðjónsson í viðtali í Íþróttavikunni með Benna Bó.

Heimir er uppalinn KR-ingur en stýrir Val í dag.

„Þetta er töluvert meira en bara fótboltaleikur, það þarf ekki að peppa menn upp fyrir svona grannaslagi. Það er rígur á milli liðanna.“

„Menn þurfa að standa klárir þegar það er flautað á á laugardaginn, við undirbúum okkar eins og kostur er.“

Viðtalið við Heimir er í heild hér að ofan.