Íslenska karlalandsliðið í knattspyrnu fellur niður um þrjú sæti á styrkleikalista FIFA og situr ní í 63 sæti á listanum.

Liðið tapaði stórt gegn Spáni á þriðjudag en gerði jafntefli við Finnland um liðna helgi.

Þegar Arnar Þór Viðarsson tók við þjálfun liðsins sat liðið í 47 sæti listans og hafði fallið nokkur hratt niður listann á þeim tíma,

Ísland var í 18 sæti listans árið 2018 undir stjórn Heimis Hallgrímssonar.

Arnar tók við landsliðinu í desember árið 2020 en stýrði sínum fyrstu leikjum árið 2021. Eiður Smári Guðjohnsen var fyrst um sinn aðstoðarmaður hans en hætti undir lok síðasta árs og Jóhannes Karl Guðjónsson tók við.

Í leikjunum sautján hefur íslenska liðið fengið á sig 33 mörk en aðeins skorað sextán á móti. Liðið hefur svo aðeins unnið þrjá leiki af 17 en tveir sigrar komu gegn Liechtenstein og einn gegn Færeyjum sem eru ekki hátt skrifaðar knattspyrnuþjóðir.

Liðið hefur undir stjórn Arnars gengið í gengum miklar breytingar.