Karim Benzema, leikmaður Real Madrid, sneri aftur í gær er liðið spilaði við Real Valladolid í efstu deild.

Benzema hefur verið súr undanfarnar vikur eftir að hafa misst af HM með Frökkum vegna meiðsla.

Benzema var valinn í landsliðshópinn en stuttu áður en mótið hófst meiddist framherjinn og spilaði ekkert.

Það er hins vegar búið að staðfesta það að Benzema hafi verið klár og gat tekið þátt í útsláttarkeppninni en Didier Deschamps, landsliðsþjálfari, ákvað að kalla hann ekki aftur í hóp.

Benzema spilaði með Real í 2-0 sigri á Valladolid í gær og skoraði bæði mörkin og það fyrra úr vítaspyrnu.