Varnarmaðurinn efnilegi Josko Gvardiol hefur tjáð sig um það að mæta Lionel Messi í undanúrslitum HM.

Messi fór illa með Gvardiol í leiknum sen Argentína vann gegn Króatíu en sá fyrrnefndi er einn besti ef ekki besti leikmaður sögunnar.

Gvardiol fékk að finna fyrir því er Messi lagði upp þriðja mark Argentínu og lék á Gvardiol við vítateiginn.

Gvardiol er aðeins 20 ára gamall og átti gott HM og er þrátt fyrir allt saman ánægður með að hafa mætt Messi sem vann mótið að lokum í úrslitaleik gegn Frökkum.

,,Ég er mjög ánægður með að fá að spila gegn honum jafnvel þó við töpuðum,“ sagði Gvardiol.

,,Þetta var frábær reynsla og einn daginn mun ég segja krökkunum mínum að ég hafi spilað gegn þeim besta í sögunni. Við munum sigra hann næst.“