Kristján Óli Sigurðsson var gestur í Íþróttavikunni með Benna Bó á föstudag. Í settið var einnig mættur Hörður Snævar Jónsson, íþróttastjóri Torgs.
Úrslitaleikur Heimsmeistaramótsins í Katar fer fram á morgun. Þar mætast Argentínumenn og Frakkar. Leikurinn var að sjálfsögðu tekinn fyrir í þættinum.
„Þetta verður frábær úrslitaleikur. Tvö skemmtileg lið og vonandi vinna Frakkar. Það þarf að afstýra þessum argentíska harmleik,“ sagði Hörður.
Benedikt var ansi hissa á þessum ummælum. „Fékkstu þér eiturlyf í hádeginu?“ spurði hann.
Hörður útskýrði mál sitt. „Ég hef það ekki í mér að sjá gamla vinn minn Ronaldo ganga grátandi af HM og sjá Messi svo vinna mótið. Ég held að hann gæti þurft að vera á einhverri vakt ef Argentína vinnur.“
Kristján telur Frakka sigurstranglegri en segir ekki hægt að afskrifa Messi.
„Fyrir mér eru Frakkar líklegri. En Leo litli, vegir hann eru órannsakanlegir. Þetta er örugglega hans staður og hans stund á sunnudag. En ef hann tapar þessum leik get ég alveg séð að hann hætti bara.“
Hörður bendir á að þetta sé það mikilvægasta á ferli Messi. „Þetta er það eina sem hann hefur ætlað sér úr ferlinum, að verða eins og Maradona.“
Ansi margt hefur fallið með Argentínu á HM í Katar, dómgæsla og fleira. „Ég held með Argentínu en maður er með smá óbragð í munni,“ sagði Benedikt.
Það verður áhugavert að sjá hvernig liðin leggja úrslitaleikin upp.
„Frökkunum líður mjög vel að bakka aðeins. Þeim finnst gaman að sækja hratt og það er þeirra besti leikur. Það er spurning hvernig Argentínumenn höndla það að gefa Mbappe svæði,“ sagði Hörður.
Umræðan í heild er hér að neðan.
