Arsenal er á toppi ensku úrvalsdeildarinnar, sem hefst á ný annan í jólum eftir langt hlé vegna Heimsmeistaramótsins í Katar.

Liðið er með fimm stiga forskot á ríkjandi Englandsmeistara Manchester City, sem eru í öðru sæti.

Skytturnar urðu hins vegar fyrir áfalli þegar stjörnuframherji þeirra, Gabriel Jesus, meiddist á HM með brasilíska landsliðinu og verður frá í þrjá mánuði.

Mikel Arteta, stjóri Arsenal, ætlar að styrkja liðið en óljóst er hvort hann fái hreina níu til að leysa Jesus af. Líklegra er að Eddie Nketiah geri það.

Hins vegar gæti Arteta bætt við manni í sóknina en Mykhaylo Mudryk, kantmaður Shakhtar Donetsk, hefur verið sterklega orðaður við félagið. Hann verður þó allt annað en sáttur.

Enska götublaðið The Sun stillti upp hugsanlegu byrjunarliði Arsenal í janúar þar sem meiddir leikmenn eru ekki í myndinni en Mudryk er það.