Fjórtán ára drengur lést í Montpellier í Frakklandi eftir að ekið var á hann í gærkvöldi. Óeirðir höfðu brotist út í kjölfar þess að Frakkland hafði betur gegn Marokkó í undanúrslitum Heimsmeistaramótsins í Katar.
Strákurinn var að fagna úti á götu og staðfesta myndbönd það. Síðar var keyrt á hann og hann fluttur á sjúkrahús, þar sem drengurinn ungi lést af sárum sínum.
Lögreglan hefur hafið rannsókn á málinu og er með bíl ökumannsins sem keyrði á drenginn undir höndum.
