Jamie Carragher vill sjá Englending taka við enska karlalandsliðinu ef Gareth Southgate hverfur á braut.
England datt úr leik um helgina í 8-liða úrslitum Heimsmeistaramótsins í Katar. Liðið tapaði 2-1 gegn Frökkum þrátt fyirr að eiga góðan leik.
Talið er að enska knattspyrnusambandið vilji halda Southgate en hann gæti sagt upp störfum.
Undir stjórn Southgate hefur England farið í undanúrslitum HM, úrslitaleik EM og nú 8-liða úrslit HM.
„Þjálfari Englands ætti alltaf að vera enskur,“ skrifar Carragher á Twitter.
Hefur þetta vakið upp nokkuð hörð viðbrögð og margir segja að ráða eigi þjálfara út frá hæfni, ekki þjóðerni.
Carragher þótti síðar rétt að undirstrika það að hann hafi kostið gegn Brexit.
The @England manager should always be English!
— Jamie Carragher (@Carra23) December 13, 2022
