Joao Felix, leikmaður Atletico Madrid, gæti verið að taka mjög óvænt skref á sínum ferli samkvæmt nýjustu fregnum.

Það er Marca á Spáni sem greinir frá þessu og orðar Felix sterklega við lið Aston Villa á Englandi.

Þessi 23 ára gamli leikmaður var sterklega orðaður við Manchester United í sumar en Atletico vildi ekki selja.

Felix varð fjórði dýrasti leikmaður sögunnar er hann yfirgaf Benfica fyrir Atletico árið 2019.

Síðan þá hefur Felix ekki staðist væntingar og hefur skorað 24 deildarmörk á þremur og hálfu ári.

Það er nóg til hjá Villa sem er með mjög ríka eigendur og væri það ansi áhugavert ef hann færir sig til Birmingham.