Erling Haaland er í reglulegum samskiptum við Jude Bellingham á meðan Heimsmeistaramótinu í Katar stendur.
Þeir félagar léku saman hjá Dortmund en Haaland gekk í raðir Manchester City í sumar. Bellingham hefur átt frábært mót í Katar.
Hann ætlar sér að fara frá Dortmund næsta sumar en City ásamt Liverpool og Real Madrid eru sögð berjast um hann.
„Við spjöllum saman reglulega,“ segir Bellingham um samskipti sín við Haaland.
„Þetta er yfirleitt bara einhver vitleysa, ef hann sér eitthvað fyndið eða slíkt. Þetta er ekki á hverjum degi en við erum reglulega í samskiptum.“
„Hann er alltaf að hvetja mig áfram, hann talaði við mig eftir fyrsta leikinn og fyrir hann líka. Hann er toppmaður.“
