Heimir Guðjónsson er að taka við karlaliði FH á nýjan leik. Þá bendir allt til þess að Sigurvin Ólafsson verði aðstoðarmaður hans. Þetta herma öruggar heimildir 433.is.

FH hefur ákveðið að blása til stuðningsmannakvölds klukkan 20:30 í kvöld, þar sem nýtt þjálfarateymi verður kynnt til leiks.

Heimir var áður hjá FH í áraraðir, bæði sem leikmaður og þjálfari. Hann stýrði liðinu fimm sinnum til Íslandsmeistaratitils.

Á síðustu leiktíð var Heimir þjálfari Vals en var látinn fara á miðju tímabili.

Sem fyrr segir verður Sigurvin aðstoðarþjálfari Heimis. Hann þjálfaði liðið ásamt Eiði Smára Guðjohnsen í sumar og svo einn síns liðs í síðustu leikjum tímabilsins. Það var eftir að Eiður steig til hliðar vegna persónulegra mála.

FH var í tómum vandræðum í Bestu deild karla í sumar og hélt sér að lokum uppi á markatölu.