Hinn margreyndi blaðamaður, Eiríkur Jónsson hendir fram magnaðri og í reynd ótrúlegri kenningu á vef sínum í dag.

Þar ritar hann um þá félaga Björgólf Thor Björgólfsson og David Bekham og mögulega framtíð þá í viðskiptum.

„Ronaldo rekinn og Manchester United til sölu. Þannig er staðan hjá félaginu sem á sér milljónir aðdáenda um heim allan,“ skrifar Eiríkur á vef sínum.

Hann segir þá sögu fljúga að Björgólfur og Beckham gætu komið að kaupum á United sem Glazer fjölskyldan vill selja.

„Ýmsir auðmenn eru nefndir til sögunnar sem hugsanlegir kaupendur en nú heyrist því fleygt að íslenskur snúningur sé á borðinu: Vinirnir Björgólfur Thor og David Beckham. Þeir eru vanir að veðja á væntingar í viðskiptum með tilheyrandi áhættu. Hvers vegna ekki Manchester United?,“ segir á vef Eiríks.

Beckham og Björgólfur eru miklir vinir og hafa þeir reglulega komið saman hingað til lands en einnig ferðast víða um heiminn. Hvort saga Eiríks sá rökum reist verður að koma í ljós síðar.

Enski boltinn á 433 er í boði