Nú er í gangi leikur Sviss og Kamerún á HM í Katar en leikurinn hefur farið rólega af stað.
Það vakti mikla athygli þegar Kamerúnar mættu til leiks en þeir setja svo sannarlega svip sinn á mótið með söng og dansi.
Þannig gengu Kamerúnar út úr rútunni á vellinum í Katar syngjandi kátir, flest lið mæta til leiks og ganga menn beint inn í klefa.
En þeir frá Kamerún kunna að lifa lífinu lifandi og dansa og syngja saman til að þjappa sér saman.
Sjón er sögu ríkari.
Kamerúnar mæta syngjandi kátir til leiks gegn Sviss. Leikurinn hefst klukkan 10:00 á RÚV.#hmruv pic.twitter.com/HBEOMwuLKl
— RÚV Íþróttir (@ruvithrottir) November 24, 2022
