Kanada ætlar að rústa landsliði Króatíu í næsta leik liðsins á HM í Katar að sögn hins skemmtilega, John Herdman.

Herdman er breskur og þjálfar lið Kanada en liðið var óheppið að tapa gegn Belgum í gær með einu marki gegn engu.

Kanada gat tekið forystuna í fyrri hálfleik úr vítaspyrnu en Alphonso Davies náði ekki að koma knettinum í netið.

Næsta verkefni Kanada verður ekki auðveldara en hann er heldur betur kokhraustur fyrir leik gegn Króatíu sem komst í úrslit árið 2018.

• ,,Ég sagði þeim einfaldlega að þeir ættu heima hérna og að við ætluðum að rústa Króatíu næst. Það var svo einfalt,“ sagði Herdman.

,,Við fengum tækifæri á að komast á topp riðilsins, það var markmiðið en við misstum af því.“