Samkvæmt Jordan Pickford, landsliðsmarkverði Englands, er Harry Kane í fínu lagi.

Kane fór meiddur af velli gegn Íran í fyrsta leik enska landsliðsins á Heimsmeistaramótinu í Katar á mánudag.

Framherjinn var með umbúðir um ökklann er hann fór út í liðsrútu eftir leik og höfðu margir miklar áhyggjur.

„Ég held að hann sé góður. Hann er örugglega smá aumur en hann var úti á grasi með okkur í dag,“ segir Pickford.

„Ég held hann sé í góðu lagi.“

England mætir Bandaríkjunum í öðrum leik liðanna á HM á föstudag. Mikil eftirvænting er fyrir leiknum, en Englendingar léku á alls oddi gegn Íran.