Roberto De Zerbi, stjóri Brighton, hefur tjáð sig um hvernig það var að taka við liðinu af Graham Potter í september.

Potter ákvað að segja upp sem stjóri Brighton og tók við Chelsea þar sem hlutirnir hafa ekki gengið upp hingað til.

Potter náði þó frábærum árangri á sínum tíma sem stjóri Brighton, eitthvað sem De Zerbi mun einnig leitast eftir.

Ítalinn var ekki lengi að koma með sínar eigin hugmyndir og tjáði leikmönnum liðsins að hann væri ekki Potter, og að hann væri með sína eigin skoðun á hvernig hlutirnir ættu að virka.

,,Umboðsmennirnir mínir hringdu í mig og tjáðu mér að Brighton hefði áhuga, við hittumst svo í London,“ sagði De Zerbi.

,,Ég hlustaði á þá og þeir hlustuðu á mig. Við þurftum vera að vera á sömu blaðsíðu. Eftir nokkra daga þá fékk ég símtal og mér var tjáð að samningurinn væri tilbúinn.“

,,Ég vildi ekki breyta of miklu, bæði þegar kom að leikstíl og leikmönnum. Eftir stutta stund þá gerði ég það skýrt fyrir þeim að ég væri ekki Potter, ég þurfti að vera ég sjálfur. Ég gat ekki gert það sem annar þjálfari var að gera og og kom með mínar eigin hugmyndir.“

Enski boltinn á 433 er í boði