Eric Dier, leikmaður Tottenham, hefur opinberað það að hann hafi trúlofast fyrirsætunni Anna Modler.

Modler er nafn sem var mikið í fjölmiðlum á sínum tíma er hún var í sambandi með Alexis Sanchez, þáverandi leikmanni Arsenal.

Dier og Modler opinberuðu samband sitt í september og eftir margar góðar vikur ætla þau að ganga í það heilaga.

Sanchez spilar í dag í Frakklandi með Marseille en var áður hjá Arsenal sem er granni Tottenham í London.

Aðdáendur Sanchez hafa gefið Dier töluvert skítkast á samskiptamiðlum og reyna að koma sínum manni til varnar á mjög ljótan hátt.

,,Þú varst í öðru sæti. Þú sættir þig mögulega við það enda spilarðu fyrir skítafélag,“ skrifar einn til Dier.

Annar bætir við ógeðslegum skilaboðum: ,,Hún er ekki nothæf lengur, endilega njóttu á meðan þetta endist.“

Skítkastið er fyrir neðan allan hellur en vonandi fyrir flesta er ekkert nema hamingja framundan fyrir parið.