Jamie Carragher sérfræðingur Sky Sports segir það hreinan og kláran viðbjóð að Heimsmeistaramótið sé haldið í Katar.

Hann segir þá staðreynd að mótið sé í Katar vera spillingu af hálfu FIFA og vorkennir leikmönnum.

Í fyrsta sinn í sögunni fer Heimsmeistaramótið ekki fram að sumri til. Þegar ákveðið var að halda mótið í Katar var það þó planið. Flestum var ljóst að vegna veðurs gengi það aldrei upp.

Mótið var því fært til loks árs sem hefur valdið auknu álagi á leikmönnum og meiðslum í kjölfarið.

„Það er algjört hneyksli að þetta sé staða Heimsmeistaramótsins, það eru margar ástæður,“ sagði Carragher.

„Það var spilling að fara með mótið þangað, það vissu það allir. Þeir ætluðu að halda mótið að sumri til, það var ómögulegt frá fyrsta degi.“

„Varane grét þegar hann meiddist um daginn, þetta er svo nálægt HM. Meiðsli í tíu daga eða tvær vikur geta eyðilagt drauma fólks. Þetta byrjaði allt þegar ákveðið var að halda mótið Í Katar. Þetta er bara ógeðslegt.“