Alex Freyr Elísson hefur skrifað undir hjá Breiðablik. Þetta herma öruggar heimildir 433.is.
Breiðablik kaupir hægri bakvörðinn frá Fram en orðrómur um þessi félagaskipti hefur lengi verið í loftinu.
Alex er fæddur árið 1997 en Besta deildin klárast á morgun. Breiðablik tekur þá á móti skildinum fyrir sigur í Bestu deildinni.
Alex hefur átt gott sumar í liði Fram en hann var nálægt því að ganga í raðir Víkings síðasta haust.
Alex hefur spilað 19 leiki með Fram í bestu deildinni en hefur ekki tekið þátt í úrslitakeppni vegna meiðsla.
Ekki náðist í Ólaf Kristjánsson yfirmann knattspyrnumála hjá Breiðablik eða Óskar Hrafn Þorvaldsson þjálfara liðsins við vinnslu fréttarinnar. Þá svaraði Daði Guðmundsson framkvæmdarstjóri Fram ekki í síma.
