Davíð Smári Lamude nýr þjálfari Vestra í Lengjudeild karla og Hörður Snævar Jónsson íþróttastjóri Torgs voru gestir í íþróttavikunni hjá Benna Bó á Hringbraut á föstudagskvöld.

Davíð hefur síðustu ár unnið magnað starf hjá Kórdrengjum og komið liðinu upp úr neðstu deild upp í næst efstu deild. Eftir gott starf þar ákvað hann að taka skrefið til Vestra á Ísafirði.

Rætt var um Óskar Hrafn Þorvaldsson þjálfara Breiðabliks sem sagði í vikunni að hann hefði ekki kynnst annari eins liðsheild og samstöðu eins og í Breiðablik.

„Hann kom líka inn á það í viðtalinu að kannski var þetta make or brake tímabil fyrir hann. Hann er mjög demanding. Hann gerir kröfu á leikmennina, sem er gott og eðlilegt á leikmenn með fleiri hundruð þúsund á mánuði fyrir að spila fótbolta,“ sagði Hörður um Íslandsmeistara Breiðabliks.

„Hann þurfti að sýna mönnum í ár að öll þessi vinna og samstaða, hún þurfti að skila mælanlegum árangri. Þegar menn leggja svona mikið á sig, þarna sáu að menn að það skilaði árangri. Hann hefur verið með flesta á sínu bandi en þarna negldi hann alla.“

Davíð Smári tók þá til máls. „Mér fannst mikill munur á Blika liðinu á þeirra vegferð, hvað þetta varðar. Þegar Óskar kom fyrst inn, hann gerir kröfur. Það voru ekkert allir að trúa þessu, þeir voru vel spilandi og árangurinn var ekki eins og það átti að vera. Þetta er það tímabil sem allur klefinn var á bak við. Ég hef átt samskipti við marga í þessu liði, maður fann í byrjun að það voru ekki allir seldir.“

Hörður Snævar sagði þá frá því að fyrir tímabilið 2020 hafi hann rætt við nokkra leikmenn Blika. „Þeir voru alveg að fá upp í kok á honum, hann var ekki að ná öllum. Það leið á síðasta tímabil og þá fóru menn all in með honum.“

Umræðan um þetta er hér að neðan.