Manchester City mistekst ekki oft að skora en það gerðist í kvöld er liðið mætti FC Kaupmannahöfn í Meistaradeildinni.
Man City gerði markalaust jafntefli við Íslendingalið FCK en liðið spilaði manni færri alveg frá 30. mínútu eftir rauða spjald Sergio Gomez.
Hákon Arnar Haraldsson byrjaði fyrir FCK en fór af velli á 59. mínútu fyrir Ísak Bergmann Jóhannesson.
Man City klikkaði einnig á vítaspyrnu í leiknum en Riyad Mahrez mistókst að skora úr henni á 25. mínútu.
Í hinum leiknum sem er lokið fékk Juventus hressingu í Ísrael og tapaði 2-0 gegn Maccabi Haifa.
Juventus hefur byrjað tímabilið ömurlega og er gengið í Meistaradeildinni ekki betra.
FCK 0 – 0 Manchester City
Maccabi Haifa 2 – 0 Juventus
1-0 Omer Atzili (‘7)
2-0 Omer Atzili (’42)
