Chelsea spilaði við lið Wolves í ensku úrvalsdeildinni í gær og vann að lokum sannfærandi 3-0 heimasigur.
Diego Costa var í byrjunarliði Wolves í þessum leik en hann er fyrrum leikmaður Chelsea og lék þar frá 2014 til 2017.
Antonio Conte ákvað sem stjóri Chelsea að senda Costa annað en hann skoraði 22 mörk í 42 leikjum á sínu síðasta tímabili fyrir félagið.
Costa var alltaf vinsæll á meðal stuðningsmanna Chelsea en hann sneri aftur til Atletico Madrid árið 2017 og lék þar til ársins 2021.
Nýlega var Costa fenginn til Wolves og lék 57 mínútur í tapinu í gær sem fór fram á Stamford Bridge.
Stuðningsmenn Chelsea voru vinalegir í garð Costa sem er enn mjög vinsæll á Stamford Bridge og sungu nafn hans eftir skiptinguna í síðari hálfleik.
Diego Costa getting a round of applause from the Chelsea fans. Once a blue, always a blue! #chewol pic.twitter.com/20KXHEiRSM
— Nathi (@Nathi___N) October 8, 2022
