Luis Suarez er að yfirgefa Nacional í heimalandi sínu, Úrúgvæ, eftir stutta dvöl. Framtíð hans er í óvssu.

Samningur hins 35 ára gamla Suarez við Nacional er að renna út. Það er mikið rætt og ritað um framtíð hans.

Sjálfur hefur hann útilokað að snúa aftur til Evrópu, þar sem hann lék með Barcelona, Atletico Madrid, Liverpool og Ajax.

Samkvæmt AS er líklegast að Suarez hafni í MLS-deildinni vestanhafs. Bandaríkin heilla sóknarmanninn.

Eitt af þeim félögum sem er nefnt til sögunnar þar er Los Angeles Galaxy.

Framtíð Suarez ætti að komast á hreint fyrir áramót hið minnsta.

Suarez hefur átt magnaðan feril. Hann varð til að mynda fjórum sinnum Spánarmeistari með Barcelona og einu sinni Evrópumeistari.

Þá á Suarez að baki 134 A-landsleiki að baki fyrir hönd Úrúgvæ, þar sem hann hefur skorað 68 mörk.