Crystal Palace hefur ákveðið að reka ekki knattspyrnustjórann Oliver Glasner þrátt fyrir harða gagnrýni hans á stjórn félagsins eftir 2-1 tap gegn Sunderland.
Glasner sakaði stjórn Palace um að yfirgefa sig og leikmannahópinn eftir að fyrirliðinn Marc Guehi var seldur til Manchester City aðeins 24 klukkustundum fyrir leikinn.
Ummæli Glasner í kjölfarið komu framkvæmdastjóra félagsins, Steve Parish, í opna skjöldu og ollu mikilli óánægju. Þrátt fyrir það vill Parish að Glasner klári samning sinn, sem rennur út eftir tímabilið, eftir samtal Matt Hobbs, yfirmanns knattspyrnumála, við Austurríkismanninn.
Palace er nú án sigurs í tíu leikjum í öllum keppnum. Aðeins eru um átta mánuðir frá því Glasner gerði liðið óvænt að bikarmeistara.
