Jamie Redknapp telur ágætis líkur á því að Antonio Conte segi upp störfum hjá Tottenham í sumar ef ekki félagið rífur ekki upp veskið á næstu dögum.
Conte er kröfuharður og vill fá inn leikmenn til að styrkja Tottenham. Liðið er í dauðafæri á því að ná fjórða sæti deildarinnar.
Conte hefur gert vel með Tottenham en liðið tapaði gegn Chelsea í gær. „Það hlýtur að vera samkomulag milli hans og Daniel Levy um leikmenn. Conte vantar leikmenn,“ sagði Redknapp.
„Hann hefur unnið frábært starf, Tottenham er nálægt fjórða sætinu. Enginn annar stjóri hefði getað þetta í þessari stöðu.“
„Hann verður að fá leikmenn, tvo til fjóra leikmenn. Tottenham hefur níu daga til þess og Daniel Levy er erfiður í svona málum.“
„Ef þú styður ekki Conte þá fer hann. Skoðaðu söguna hjá Inter, hann fer ef þú stendur ekki við loforðin.“
Conte tók við Tottenham í nóvember og hefur liðið bætt leik sinn hratt undir hans stjórn.